Mythosa Agamedesê Avahîsaz
Agamedes (Agamede) di mythologya yewnanî de,avahîsazekî navdar e û li Yewnanîstanê gelekî hatiye nasîn. Wê demê avahîsazê Trophoniosê zirkurê wî jî, bi qasî wî hatiye nasîn. Li bajarên Delphoi û Thebaiyê, avahiyên gelek xweşik û muhteşem ava kirine. Perestgeha Apollon ya li Delphoi, perestgeha Poseidonî a li Arkadya û odeya razanê ya Alkmeneyê ku li Thebai ê bûye, ji aliyên wan ve hatine avakirin. Qralê Boiotiayê jî ji bo parastina xezîneyên xwe, avahiyekê bi wan daye çêkirin. Lêbelê Agamedes û Trophonios ketine ber bayê pera û ji bo dizîna xezîneya qral, derîyekî veşartî di avahiyê de çêkirine.
Piştî ku qral bi diziya wan dihise, bang li Daidalosê avahîsazê navdar dike, da ku were û wê qula ku bi dizî çêkirine bibîne. Ji bo ku bikaribin wan li ser diziyê bigrin, xefikeke amade dikin. Di dema diziyê de, Trophonios fam dike ku dê werin girtin, radibe Agamedesê zirbavê xwe dikuje û ji wir direve. Li gor mythosekê din jî, dibêjin piştî temamkirina perestgeha Apollonî, Agamedes û Trophonios, ji xwedayê Apollon destheqê xwe xwestine. Apollon jî ji wan re gotiye ku hema şeş (6) rojan bixwîn û vexwin, ez dê roja heftan destheqê we bidime we. Dibêjin roja dawî piştî ku radizên, Agamedes û Trophonios nema hişyar dibin. Apollon wekî destheqê wan, mirina rihet û şîrîn daye wan.
- Alî Gurdilî
- aligurdili@gmail.com
- 2.5.2023
- Çavkanî: Ferhenga Mythologyê: Alî Gurdilî – Kitêba Çapnebûyî
Piştgirî jibo Philosophia Kurdî
 Xwedevanên hêja, dilsozên zarûzimanê kurdî. Bi rêya vê sepana Paypal’e, hûn jî dikarin piştgirîya xebatên malper û kovara Philosophia Kurdî bikin û mil bidin xebatên me. Perê ku hûn bexşê malperê dikin, bi tevahî dê ji bo geşkirina malperê û çapkirina kovarê were xerckirin. Em hêvî dikin Philosophia bi nivîskar û xwendeyên xwe bibe xwedî temenekî dûr û dirêj, bibe çiraxek di şevên tarî ên kurdan da, hawaê ramîna philosophic li ber dilê rêber, serek û kargerên kurdan şîrîn bike, da ku ew jî bikanibin mîna ên milletên bi rûmet karê xwe rast bikin. Philosophiaê bi xweşî bixwînin, jê ra binivîsin û mil bibin xebatên wê...
|
