Tesîra tevgera Hebûnparêzîyê (Egzîstansîyalîzm), li ser nêrîna Postmodern yan jî Postmodernîzmê heye. Ê baş e, bi çi şeklî yan jî bi kîjan ramanên xwe, tesîrê li Postmodernîzmê kiriye? Di Hebûnparêzîyê de, du têgihên sereke hene, ku ew jî hebûn (heyîn, varlık) û çêbarî (mahîyet, wesf) ne. Hebûn, objekta heyî pênase dike. Mînak: Çêlek, heyînek e, hebûnek e û çêbarîya (mahîyet) wê jî, ji heyînên din cuda ye. Lê şîrê wê a ku tê dotin, dikare bibe çêbarîya (mahîyet) wê. Hebûnatî, ji tunehîyê behsa bûyînê dike. Mahîyet jî, bi ‘çawanî’ê re têkildar e. Li gor nêrîna Hebûnparêzîyê ji bilî mirovan, tevahîya heyînên din cara pêşî mahîyeta (çêbarî) xwe pêk dihînin û piştre, hebûnatîya wan pêk dihê.
Ji bo mirovan jî, pêşî hebûnatî pêk tê û mirov, mahîyeta xwe jî bi destê xwe, pêk dihînin. Pêşî di hişê (zêhn, mind) xwe de, tesewir dikin û piştre jî, mahîyeta xwe pêk dihînin. Lewma jî hemû pêhatî (olay, event) û bûyerên (olgu, fact) civakî (sosyal) yên mîna îdeolojî, dîn, zanist, huner û felsefe, hilberên keda mirovan û çêbarîya (mahîyet) wan in. Bi gotineke din: Kesên ku heqîqetê pêk dihînin, mirov bi xwe ne. Bi wan dîtinên xwe re, meriv dikare bibêje ku Hebûnparêzîyê tesîrekê mezin li Postmodernîzmê kiriye.
- Alî Gurdilî
- aligurdili@gmail.com
- 30.04.2023
Piştgirî jibo Philosophia Kurdî
 Xwedevanên hêja, dilsozên zarûzimanê kurdî. Bi rêya vê sepana Paypal’e, hûn jî dikarin piştgirîya xebatên malper û kovara Philosophia Kurdî bikin û mil bidin xebatên me. Perê ku hûn bexşê malperê dikin, bi tevahî dê ji bo geşkirina malperê û çapkirina kovarê were xerckirin. Em hêvî dikin Philosophia bi nivîskar û xwendeyên xwe bibe xwedî temenekî dûr û dirêj, bibe çiraxek di şevên tarî ên kurdan da, hawaê ramîna philosophic li ber dilê rêber, serek û kargerên kurdan şîrîn bike, da ku ew jî bikanibin mîna ên milletên bi rûmet karê xwe rast bikin. Philosophiaê bi xweşî bixwînin, jê ra binivîsin û mil bibin xebatên wê...
|
