Komeke lêkolînerên Ewropayî bi lêkolîna xwe ya li ser tespîtkirina DNAya mirovokiyan, yên weke neanderthaler, gavekî mezin û girîng avêtin. Lêkolîner bi vê lêkolîna xwe bêyî bidestxistina jêmahî û hestiyên mirovokiyan dikarin di kevirên şikeftê de DNAya endamên malbata mirovokiyan tespît bikin. Lêkolîner xebatên xwe li heft şûnên arkeolojîk pêk anîne û ji vê teknîka nû pirr bi hêvî ne û bi vê vedîtina xwe di warê zanistê de pirr deng vedane.
Ji hev veqetandin û cihê kirina jêmahiyên mirovokiyan pirr zehmet e, lêbelê lêkolîner bi vê xebata xwe dikarin pêderxînin ku mirovokiyên di şikeftê de jiyane ji kîjan malbatê ne, di kîjan serdemê de li wir jiyane. Lêkolîner û rêveberê xebatê Matthias Meyerê ji Enstitûya Max Planck ya li Almanyayê ye wiha dibêje; “Em ji berê ve dizanin ku hin beşên telpikê dikarin DNAyê bi xwe ve bizeliqînin, ji ber vê jî me berê xwe da şûnên arkeolojîk yên me dizanibû ku li wir mirovokî jiyabûn.”
Lêkolîner ji heft şûnên cihêreng, ji Belçîka, Îspanya, Xirvatistan û Rûsyayê nimûneyên xwe wergirtine. Lêkolîner ji xebata li ser nimûneyên wergirtî ku nimûneyên wergirtî bi qasî 500.000 sal kevn bûne, DNAya ajalên cihêreng bidestxistine. Di nav DNAyên bidestxistî de DNAya mamûdê bimû û gergedanê bimû ku di vê serdemê de tune ne, hebûye.
- Metîn Eser
- Çavkanî: Science
Piştgirî jibo Philosophia Kurdî
 Xwedevanên hêja, dilsozên zarûzimanê kurdî. Bi rêya vê sepana Paypal’e, hûn jî dikarin piştgirîya xebatên malper û kovara Philosophia Kurdî bikin û mil bidin xebatên me. Perê ku hûn bexşê malperê dikin, bi tevahî dê ji bo geşkirina malperê û çapkirina kovarê were xerckirin. Em hêvî dikin Philosophia bi nivîskar û xwendeyên xwe bibe xwedî temenekî dûr û dirêj, bibe çiraxek di şevên tarî ên kurdan da, hawaê ramîna philosophic li ber dilê rêber, serek û kargerên kurdan şîrîn bike, da ku ew jî bikanibin mîna ên milletên bi rûmet karê xwe rast bikin. Philosophiaê bi xweşî bixwînin, jê ra binivîsin û mil bibin xebatên wê...
|
