Babetên felsefeyê ne babetên rojane ne, pirsgirêkên tevayî û razber (soyut) in. Felsefe, her dem xwe disperê pirsan û bi awira xwe ya rexnekar û bi rêya razberkirinan, babetên ku bingeha jiyana me ya rojane pêk tînin, ji xwe dike pirsgirêk. Em hemû dema ku diçin cîhê karê xwe, em demê (zemanê) bikar tînin. Lê di dema vê bikaranînê de, em pirsa ‘Dem (wext, zeman) çi ye gelo?’ ji xwe nakin. Di dema şerekî de em ji dijminê xwe wiha nabêjin: ‘Lawo ka raweste, beriya ku em dest bi şer bikin, were em şer û aştiyê destnîşan bikin û piştre, em şerê xwe bidomînin.’
Dîsa dema ku em êvarekî li balkona xwe rûdinên û çaya xwe vedixwin, em li ser wateya ‘delaliyê’ ranawestin, yan jî em pirsa ‘Delalî çi ye gelo?’ ji xwe nakin. Lêbelê em hemû jî dizanin ku dem, edalet, heq, delalî, zanayî, war, cewher, çêbûn, hebûn û windabûn û hwd. perçeyekî jiyana me ne û jiyana me, bi wan dibe jiyanek watedar. Felsefe, hemû babetên jorîn vediguhêrîne pirsan û her feylesofek jî, dixwaze ku girêdayê perspektîfa (nêrîn, awir) xwe bimîne û wiha jî, van pirsan (pirsgirêk, arîşe) çareser bike.
- Alî Gurdilî
- aligurdili@gmail.com
- 23.04.2025
- Çavkanî: ‚Sed Pirs û Bersivên Philosophic‘
Piştgirî jibo Philosophia Kurdî
 Xwedevanên hêja, dilsozên zarûzimanê kurdî. Bi rêya vê sepana Paypal’e, hûn jî dikarin piştgirîya xebatên malper û kovara Philosophia Kurdî bikin û mil bidin xebatên me. Perê ku hûn bexşê malperê dikin, bi tevahî dê ji bo geşkirina malperê û çapkirina kovarê were xerckirin. Em hêvî dikin Philosophia bi nivîskar û xwendeyên xwe bibe xwedî temenekî dûr û dirêj, bibe çiraxek di şevên tarî ên kurdan da, hawaê ramîna philosophic li ber dilê rêber, serek û kargerên kurdan şîrîn bike, da ku ew jî bikanibin mîna ên milletên bi rûmet karê xwe rast bikin. Philosophiaê bi xweşî bixwînin, jê ra binivîsin û mil bibin xebatên wê...
|
